En los Muros de Lamentasyon el hombre kon kipa, appoyado a la pared,
kita su Selular de su aldikera…
– Di-o ?
– Si..
– Puedo demandarTe una koza ?
– Si ma presto…. No tengo muncho tiempo.
– Ke es para Ti un million de anyos ?
– Un segundo
– I…un million de Dolares ?
– Un centavo
– Alora, puedriyas darme un centavo ?
– Si. Aspera un segundo….
*********
El hombre esta en Yerushalayim al lado del Kotel.. Le telefona a su madre :
– Mamie… Esto aki en las muralyas del viejo Templo.
– Bravo mi ijiko !
– Tengo Di-o al telefon en la otra linya…
– Kualoooooo ?!!!!
– Si ! Ke keres ke Le demande por ti ?
– Prestooooo ! Pasamelo… Le vo avlar !
********
Un mediko le dize a su kollego :
– Devemos de operar este hombre kon urjensya.
– Ok agora mizmo ! Ke tiene ?
– Dinero !
********
Estava espandido en su kama sin kolor en la kara…
EL doktor, su espoza, sus dos ijos i su avokato estavan a su lado. Todos asperando la Hora Buena….. Supito le viene fuersas i mira a su deredor i empesa a gritar :
– Ladrones, assasinos, gente sin verguensa….
i se echa de muevo, serra sus ojos. El Doktor dize ke su pasyente se siente mijor parese. Le demandan porke….
– Porke mos rekonosyo a todos !
**********
El mediko dize a su pasyente en un tono muy enerjiko ke en los mezes a vinir no deve fumar, no deve bever alkol, no ir a los buenos retaurantes, no salir kon mujeres, olvidarse de viajes i de vakansas !
– Fina ke me sienta mijor i me rekupere, Doktor ?
– No. Fina ke me page lo ke me deve !
**********
Estavan empesando a operar a un pasiente kuando entra el doktor en la sala de operasyon i grita a todo el ekipo de no empesar el transplante pormodo del recheso…
– El recheso ?
– El recheso del rinyon ? demanda la infirmiera
– No ! El recheso del check ! La banka no kovre el montante del check !
***********
– Doktor, pensash ke vo pueder kaminar dospues de esta operasyon ?
– Por seguro ke si ! Devras vender tu auto para pueder pagar la faktura de la klinika.
***********
Una pasiente de sesenta anyos le demanda al doktor:
– Oyeme doktor… Kuando tomo la asuvida para yegar a mi kaza kedo sin soplo… Me kanso muy muncho….. Ke me konseja de tomar ?
– Un taksi Madame !
***********
Un astmatiko asuve kon muncha difikultad al sinken etage, sona la puerta, le avren i dize :
– Doktor, esto kon una astma dezgrasyada… Me esto agogando ! Ke me rekomendas ?
– Fasil… no fumes, no bevas, repopzate i merkate un par de antojos…
– Ke tiene de ver los antojos kon mi astma ?!!
– Es para ver ande esta la kaza del doktor ! Es abasho i no aki ! Yo ago paredes en las konstruksyones.
**********
El Monsieur asperava ke salga el doktor para demandarle komo estava su espoza. Kuando vino, le disho ke su estado estava grave i ke teniya de alimentarla el mizmo porke la damma no puediya mover sus manos i komer sola…. Teniya tambien de yevarla al banyo, vistirla, lavarla ets…
El hombre empeso a yorar…
– Es shakas hombre ! Era para divertirmos ! Ya se muryo a la Buena Hora!
– Baruh haShem ! …..
*********
Dos chirurgianos estavan tomando un kafe en un bar kuando uno de eyos le dize al otro en mostrando alguno ke estava pasando por la kaye
– Ves este hombre ? Yo lo operi !
– Ke le tomates ?
– Kuatro mil dolares !
*********
– Doktor , Ke puedo azer para ke mi mujer no kede prenyada durante las vakansas ?
– Yevalash kon vozotros…
*********
– Me fui al doktor ! Me kito el whisky, el tabako i las drogas…..
– De ande vienes ? Del mediko o de la duana ?
********
El hazino en la sala de operasyon le demanda al chirurgo :
– Doktor, entiendo que se vista de blanko, ma porke ay tanta luz ?
– Ijo miyo so el Archangelo Gabriel !
*********
– Doktor , ke tengo ?
– No se preokupe mas mi amigo : Kualker duda la aklararemos en la autopsia.
*********
– No se ke me pasa…. Me toko la kavesa i me duele, me toko la nariz i me duele, me toko el pie i me duele.. Ke tengo doktor ?
– El dedo frakturado.
**********
– Ansina, tu aguelo muryo en la klinika del doktor ?
I ke le disho el doktor antes de murir ?
Le disho:
– Konta kon mi…. Sinko, kuatro, tres, dos, uno, zeroooo !
************
Kon la mueva teknolojiya para la fertilitad mizmo un mujer de 65 anyos puede dar luz a una kreatura.
La damma salyo del hospital i kuando yego a su kaza su kunyada la vijito i kijo ver el bebe
– Dayinda no !
disho la madre de 65 anyos. Paso un poko de tiempo vino su ermanika i le disho ke se iva ir al lado del bebe.
– Dayinda no ! Un poko dospues..
disho la madre entera kolorada… Paso medya hora i otros de la famiya demandaron a konoser el bebe, la repuesta era siempre la mizma…No!
– Bueno, bueno, Kuando lo vamos a ver ?
– Kuando yore ! fue la repuesta.
– Kuando yore ? Porke devemos asperar ke yore ?
– Porke no me akodro ande lo meti !!!
*********
Yego un negrito al sielo, espantandose ke no lo deshen entrar al Paradizo pormodo del rasismo. El angelo en la puerta le demanda :
– Tu nombre ?
– Leonardo di Caprio
El angelo esta konfundido i le aze otra vez la mizma demanda.
– Leonardo di Caprio repete el negrito ke no puede nyegar lo ke disho antes !
El angelo toma el telefon i yama a Di-o i kon todo el respekto le demanda
– Oyga Shefe… Kitame por favor un duda… El Titanik ? El Titanik se undio o se kemo ?
********
Una gayna paryo un guevo de medyo kilo !! Todos estan detras de la gayna ke se siente komo una estreya en la medya… Los jurnalistos, la televizion,
todos la bushkan para entrevistas…
– Sinyora gayna, sinyora gayna…. Komo logratesh un guevo asemejante ?
– Es un sekreto de famiya !
– Planes para el futuro ?
– Parir un guevo de un kilo !
Los flashes se tornan alora al gayo…
– Sinyor gayo, sinyor gayo… Komo afito un tal mirakolo ?
– Sekreto de familya..
– Planes para el futurio ?
– Matar el kapak kayido, “ijodetodos” del avestruz ! (autruche, devekusu)
La mijor koza para la salud es riyirrrrrrrrrrrrrrrr !