Kon el avatiah (sandia) o kon el falafel,
I Yoram Gaon ke me muero por el
No puedo bivir leshos del Kotel
I no importa Tel Aviv o Beit El

Komo no amar al norte la Galil vedre i freska
Muestra sangre, las aguas del lago de Tiverya !
La joya i la Reyna del Desierto, Beersheva
La elegante sivdad i las plajes d’Herzeliya !

, el puerto kalmo ande vengo para abrigarme
De todas las angustyas de este mundo i aregalarme
 ke me avre sus brasos komo una madre
Mi orgulyo i mi kastilyo a la kuala siempre ritornare.

Avlo kon las gaviotas en los bodres de Yafo
I baylo arezvalandome de la kolina abasho !
Ke ermozo es admirar de arriva el viejo puerto !
Yafo de la antikitad i Abolafya.. Yafo.. un suenyo !

Kamino en las kayas de Tel Aviv kansada del bruido.
Todos estan impasyentes, deven yegar a sus echo
La mar sin kavo al horizonte, ke splendor ke briyo !
Veyo los mansevos, las kreaturas alegres i riendo.

Vo a Haifa kon treno al puerto i al Carmel arriva
El Sanktuaryo Bahai briya i Gan ha Em es solombra
Diya de relakso para pasear, komyendo humus i pita
Tomar un kafe kon las Amigitas i gozar de la vida.

[email protected]

A mi amigo en …..

…………….. En vezes tyenes negras entisyones, te sale para bueno i en vezes tiyenes buenas entisyones i te dizes “ke echo teniya !”. No se mira por el kusur, ha ikar (el esansyel) el tyempo bueno i los pishkados ke se venden en Yafo !

El boske de Beit She’arim

Dales bezikos de mi parte a todas las kalejikas de mi dulse  i un grande abraso a su sielo blue i a su mar blue.

Dizeles ke el payis de leche i de miel, del vino i de las agranadas sera siempre en los suenyos i en las orasyones de Beyt Israel i no importa ande se topan porke muestros korasones baten en Yerushalayim !

Sharope Blanco