En 1901 se deskuvrio el”Code de Hammurabi”ke vino antes de la Tora.Era un kode legal del Rey de Babilonia biviendo en el Siglo 18 BCE.Kontenia 282 leyes i era la mas vieja eskrituria deshifrada.Estas leyes se komparan kon la Tora sovre todo en la”Parasha de Mishpatim” Trata de una manera esklusiva de La Ley Sivil. Munchos eskolares mostran ke la Tora es superior al Code de Hammurabi.
hammurabi_codeEn el Code de Hammurabi existe la pena de muerte por los rovos. En la Tora se kastiga de manera finanzera. En el Code de Hammurabi se kastiga menos a los aristokrates i mas a la Klase basha.La Tora dise en kontra ke ay ke aplikar la misma ley al ajeno i al nativo. Yo topo a estas komparezones ke son trublantes. Affirmar la Etika de la Tora de esta manera aze arebashar su potensia..Para el ombre de fe,la Tora no es solamente uno de los sistemes legalas.En lugar de ser superimposada por las konvensiones de la sosiedad,las Leyes de la Tora deven ser en konforme kon kon la natura del mundo.Lo ke la siensia revela del orden de la natura.La Tora exposa el Moral del Universo.
Me topi una vez en un enkontro kon djente de otras relijiones.La kestiones no aflakavan la fe.Tampoko las repuestas la enfortesian. La fe es konoser sus limitasiones intelektuales i emosionales. Las kestiones exposan sus limitasiones sin ke amenasen la fe.Topar una repuesta a la kestion enforteze la fe.
Ver la Tora komo una kosa grandiosa porke es mas morala ke el Code de Hammurabi en mi opinion es tentar a enrikezerla kon la repuesta. Puedeser un triumfo kuando se trata de ser superior a la otra moralmente.Ma esto invita la possibilidad de aflakarla kon la kestion. Si la Tora se mesura kontra”mia o tuya”entonsez no es mas una ley naturala.Esto dicho yo kreo ke ay ke ver el millieu ande salio la Tora.El Code de Hammurabi era la refleksion de la Kultura de Mesopotamia.La Tora demandava ke los Israelitos sean Rebeldes i ke krean una Revolusion Counter Culturala.en este sentido i no ay kosa ke se troka.Segun la yamada de la Tora ay ke akseptar el dover de alevantarse aziendo kara kontra kualkiera cultura.