La miro… i es un anjelo de vedra !
Komo si egzistyera solo en los suenyos…
Ma kudyado, nunka puedes konoserla !

La ke ves tan vayente en siertos momentos
S’espantariya si una  bizba se aserka,
I gritariya si veiya un raton en la kamareta !

Adora su amante i lo aksepta tal ke es
Ma si la inyerva le romperiya la kavesa !
Para dospues yorar i echarse a sus pies…

El es su rey i lo alavara kon toda su fuersa
Ven ver ke lo puede arrebashar de tal manera
Ke se sinteriya, el povre, payaso de la juderiya !

Pletos son largos argumentos, deke ?
Porke save todo, ma todo sale tuguerto !

Kale darle a entender kon muncho karinyo
Antes ke seya demasyado tadre
Para ke no se vayga ande su madre i kede !

Ma se muereriya si, es el ke mas no kere, i parte !
Mujer komo una roza i agra komo el vinagre
Sus bezos emborrachan i sientes ambre..

Karesas sus kaveyos komo la seda del oryente
Sus dientes moryen ma son perlas raras
Solo pensas nadar en sus ojos d’almendras
La mujer, un furyozo tigre i suava komo la leche