de “Seder Nashim” (Livro de Orasiones de Mujeres)
de Prof. Ora (Rodrig) Schwarzvald – paj. 68
Mi Dio alma ke diste en mi linpia tu la kriaste tu la afeguraste i tu guardanla entre mi i tu aparejado por tomarla de mi i por tornarla enmi ael aparejado por venir todo tienpo ke la alma entre mi atorgan yo delante ti YY mi Dio i Dio de mis padres senyor de todas las fechas senyor de todas las almas
Bendicho tu YY el fazien tornar almas a kuerpos muertos:
Bendicho tu YY nueso Dio rey de el mundo el dan a el gayo entendimiento por entender entre el dia i la noche:
Bendicho tu YY nueso Dio rey de el mundo avrien siegos:
Bendicho tu YY nueso Dio rey de el mundo soltan enkarselados:
Bendicho tu YY nueso Dio rey de el mundo vistien desnudos:
Bendicho tu YY nueso Dio rey de el mundo enfestan apremidos:
Bendicho tu YY nueso Dio rey de el mundo espandien la tierra sovre las aguas:
Bendicho tu YY nueso Dio rey de el mundo el konponien pasadas de varon:
Bendicho tu YY nueso Dio rey de el mundo ke izo a mi todos mis menesteres: i si esta senyida dira
endicho tu YY nueso Dio rey de el mundo sinien Israel kon baragania
Bendicho tu YY nueso Dio rey de el mundo enkoronan Israel kon ermozura
Bendicho tu YY nueso Dio rey de el mundo ke no me izo Goya: i si era goya de nasion i se izo djudia no dira esta
Beraha Bendicho tu YY nueso Dio rey de el mundo ke no me izo sierva:
Bendicho tu YY nueso Dio rey de el mundo el azien pasar suenyo de mis ojos i adormedura de mis palpalos:
I sea veluntad delante ti YY mi Dio i Dio de mis padres ke nos apeges en tus enkomendansas i no nos traygas alugar de pekado ni alugar de Avera ni alugar de preva ni alugar de menospresio i nos aleshes de apetite el malo i nos apeges en apetite el bueno i nos des por grasia i por piadades en tus ojos i en ojos de todos nuesos vientes i gualardonanos mersedes buenas
Bendicho tu YY gualardonan mersedes buenas asu puevlo Israel:
i si se echo vestida no dira vistien desnudos ni sinien Israel ni enkoronan Israel
i despues de dichas las Berahot dira:
Oye Israel YY nueso Dio YY uno:
Bendicho nombre de onra de su reyno para siempre i siempre.