“El Aedado Orozo”

En el onze septembre kumplo sus noventa i sinko,
Dizen ke su vista parese a setenta i sinko,
İ sus sentidos son komo los de sinkuenta i sinko,
Kon la enerjiya de akeyos de trenta i sinko.
****
El agradese a su Dio por averle regalado,
Un korason kon buenos sentidos dekorado.
Los gravo en su alma fin al diya de su yida,
Para tener alegrias durante su vida.
****
Leshos de l’ambisyon , de los selos , de los kovdisyos,
Se alesho de los plazeres i de akeyos visyos
Ke derokan la salud i los sentidos humanos,
De amigos, de famiya i mismo de ermanos.
****
Le regalo el gozo, la salud,i la modestiya,
Luzes briyan en sus pensadas todo el diya.
Kon sus sentidos se siente el ombre mas horozo ,
Por esto bendize de alma a su Dio poderozo.
****
En su edad es amorozo de todas las flores,
İ es de korazon yeno kon diferentes amores,
En kada kumpleanyo por su salud da mil lores,
De verse leshos de ancias i de ciertos dolores….