Deskalsos pizaremos
esta tierra santa
no asemeja este kamino
a los otros
Aki es el santuario
de los Djustos
de todas las nasiones del mundo
Aki es el santuario
de la derechedad
de la verdad
de la djustisia
Kada arvol simboliza
el koraje
la ermandad
la esperansa
Aki no figuran
ni ombres de sensia
ni filozofos
ni dekorados de gerra
Simbolizados por los arvoles
aki figuran ombres i mujeres del
puevlo
ke, al risko de sus vidas
avieron sus korasones i sus puertas
a deskonosidos en perikolo de
muerte
Aki es la repuesta
al inferno de Yad Vashem
aki repozan en piez
Los ke no mueren nunka
Sus puerpos se topan
en diferentes lugares del mundo
ma sus esprito esta i kedara aki
por la eternidad.
Deskalsos pizaremos
esta tierra santa
no asemeja este kamino
a los otros.