Un motivo por un tiempo ovligo su espartision,
Sinti una kalmeza kon una grande dezolasion.
La kaza kedo de una kayades de semiteryo,
Mis gozos se amataron, devine ombre serio.
Me asenti en mi kama, komo mudo , desgustozo
Bolaron akeas alegrias del hombre de gozo .
En mi habitasion mi lecho estava muy inmanso,
Me echi… esta ves se perdio este kuerpo kanso.
En mi lado sin mi mujer,no karesos, sin sus avlas,
Enfrente un chiko lecho kon un entorno de tavlas.
Akel lecho vaziyo sin su hermozo okupante
Era la kama de su yoro, la kama de su kante.
Komo puedo bivir leshos d’estas almas keridas
Nunka puedre olvidar el dolor de sus feridas.
La soledad
