Ninya miya, ermana miya; Suenya kon la dulsura
De ir aya a bivir djuntos! Amar kon olgura,
Amar i morir
En el payis ke te asemeja!
Los soles mojados
Destos sielos nuvlados
Por mi tino tienen los enkantos Tan misteriozos
De tus ojos traidores
Ke luzen entre sus lagrimas
Aya solo ay, uzur i ermozura Luso, repozo i gozo
Mobilia luziente,
Por anyos lustreados; Dekorariya muestra oda; Las flores mas raras Mesklando sus golores Kon las amberadas,
Los rikos tavanes,
Los espejos ondos,
El briyo oriental,
Todo avlariya
A l’alma en sekreto,
Su dulse lingua natal.
Aya solo ay, uzur i ermozura Luso, repozo i gozo
Vee’n estos kanales
Dormir estos barkos
De karakter vagabundo;
Es para kumplir
Tu menor dezeo
Ke vienen del kavo del mundo. Las puestas del sol
Visten los kampos,
Los kanales, la sivdad entera, De jasinta i de oro;
El mundo se durme
En una lus kaluroza.
Aya solo ay, uzur i ermozura Luso, repozo i gozo