El Anyo 1943
Sivda Dardanels/Canakkale Turkiya
So Salamon Amira, ijiko sefaradi de 9 anyoz.
Aki, oy, en esta sivdad todoz los jdyos somos SEFARADI, todoz avlamos el Judeo-Espanyol. Agora vine de la eskola Turka i no tengo klasas
de TORA. Ez Viernez EREV SHABA.
Oy ez el diya de yevarlez komida a doz aedados ke mi madrizika chikitika les prepara para SHABA. Tenemoz 21 viyejizikoz ke moran en unaz lazikaz atraz de muestra kerida i adorada kehila ke moz da luz a todoz los judyoz ke moramoz en esta sivda. Las kazikas para kuaji 30
viyejoz son mantenidas por loz ke pueden ayudar kon donasyones para mantenerloz en buena salud. (Uno de estos donatorez es mi padre ISAK AMIRA) i estos viyejos se ayudan de uno a otro kuando kedan soloz en alta edad.
Kuantoz judyoz somoz en la sivda no tengo ideya. Ma komo diziyan Yahudi Mahallesi/baryo de los judyoz 21 kaye por 21 kaye… 21 buena.
En una avenida ke korre del enpesar de mi kaza asta el puerto i el kordon boyu/el bodre de mar de la sivda, tenemoz artizanos de todo modo para sostenermoz…
- 3 Kasapes/karnaseroz, inspektados por el Haham Shelomo.
- 5 Ornoz de pan i uno de mi padre azyendo Borekaz i bulemaz, lo ke se yama fistikchi i borekchi.
- 2 Gayineroz… Laz gayinas se degoyan i sedespluman kuando estan merkadas.
- 1 Joyero
- 2 Vendedorez de vino. Todo el vino en kaskos de madera/tavla. Ay ke yevar redomas/bokales o un kantaro (de tierra kolorada kocha) para ke mo lo siervan.
- 1 Shekerdji (Vendedor de bonbones i de dulsuryas) azedor de dulsuryaz a laz mil maraviyaz. Este asukarero aze chufletez de asukar en una figura de pashariko (Horoz shekeri). Este me da un chufletiko kada Viyernes pagado por mi papu YAKO LEVI….
- Frutas
- Horoz sekeri ve elma sekeri
- Kastanyas
- kofte i pan -boulettes-
- Simitci
- Sutcu
- Turshucu pickles
- Vedruras
- Vendedor de maiz
- Vendedor de aroz kon garvansos
- Chay kon simit
- firildakci
- Macun
- Yogurtcu
- Los ke aziyan baylar los lonsos
- Aguzador de kuchiyos
- Kovrero
- Simitci
- Turshucu pickles
- Vendedor de galetas i biskochos