“Danielle Karo”se topa delantre el Monumento mostrando el massakro de los Judios en Lisbon en 1506.A eya ke es desendienta de los Judios Sefaradim no le parese vieja komo istoria.Basho la ley de Sivdadansia Portugesa de 2013,desea azer una demanda para resivir la Sivdadansia Portugesa.Dise ke es una ley buena kuando pensa a la persekusion a la kuala nuestros ansestros fueron sumetidos. Kreye ke es el dover de Portugal de darla.Unas 300 personas izieron esta demanda según las Kommunidades Judias de Lisbon i Porto.La ley entro en funksion el mez pasado i es el segundo pais ke aplika la ley de retorno.Para poder kualifikar tiene ke mostrar uno ke apartiene a la Kommunidad Sefaradita i ke tiene ansestros Sefaradim.Nesesita tener un sertifikado de nasimiento autentikado por el Konsulado Portugeso en su pais.La ley no demanda de ir a Portugal.Tiene ke tener tambien un sertifikado mostrando ke el no es un kriminal.
Asta oy 200 personas en Lisbon se presentaron i eyos vienen de Israel. En Porto avian 55 Judios Turkos.asta agora ninguno resivio una repuesta.Karo ke estudio en la Universidad de Edinburgh dise ke es desendienta de’Joseph Karo”ke era Rabino en el Siglo 16.Pensa ke un Pasaporte Portugeso le puede servir para lavorar i estudiar en 28 paises Europeos.Ma eya pensa ke ay un aspekto emosional en su demanda.Puedeser el orgullio de tener ansestros Sefaradim.
Los Politikos Portugesos responsables de la Lejislasion komo”Jose Ribeiro e Castro”dise ke es una forma de reparasion por la expulsion de sienes de miles de Judios de la Peninsula Iberika en los siglos 15 i 16.Se siente orgullioso por aver yegado a esto.
Para unos la sivdadansia representa una oportunidad.’James Harlow” ke tiene 52 anyos viene de California i tiene una Firma de High-Tech en Silicon Valley. Dise ke esta nasionalidad le permete de anchear su kommersio en Europa. 2 Judios Turkos se presentaron para krear una kompania de komputadoras en Hollanda. Por los Judios Turkos i Mansevos es una kestion de ayudarse a si mismo.
“Cefi Kamhi” uno ke azia las leyes en el parlamento i bien alto komo persona,representa una kommunidad ke se esta abashando en numeros.Komo sienes de miles de Sefaradim los ansestros de Kamhi,fuieron a Portugal.El izo antes la demanda de ser Sivdadano Espanyol en los anyos 1990.Nunka fue naturalizado.Agora aze la demanda de ser Portugeso,mismo si no tiene menester de esto.
Parese ke los Espanyoles son mas permissivos ke los Portugesos.El problem es ke no estan de akordo kon la Prosedura a Segir.Va salir de nuevo en la surfasia kon la obligasion de azer un test de la lingua.En realidad la ley es para korrejir un yerro istoriko.
Komo ay una krisis Ekonomika en Espanya i Portugal,kon un nivel de desempleo de 23% i 14% avra un insentivo para attirar a los Judios.Por esta sera nesesario ke los Judios vengan a ver i instalarsen aki i investir en estos paises.ay sitios turistikos ke tienen un pasado Judio ke se ven mas i mas oy.Harlow no ve ningun inkonveniente en esto.El va traier kapital i va krear empleos i va kultivar las uvas i los olivos komo lo azian sus ansestros 1000 anyos antes.Photo by guymoll 