EL RABINO I “LA KOZIKA DE MAS”
Kuando el Rabino entro en su suita luxuoza del mijor hotel, vido ke una ermoza de las ermozas estava espandida en la grande kama ‘sin vistidos ensima de eya’ !
– Hello Rabbi ! So ‘una kozika de mas’ ke el Prezidente de la Sinagoga planeo por vuestras vakansas en Hawai….
Entero kolorado el Rabino toma el telefono kon ravya i empesa a gritar :
– Senyor Franko ! Kualo pensas en tu kavesa i por ken me tomas?!! Es esto tu respekto ?! Yo so el lider de la moralitad de muestra kehila relijyoza. Es un grande shok para mi i vamos a avlar de muevo kuando estare de torna….
La povretika de la manseva entera tremblando i muerta de verguensa i de espanto se alevanto de la kama i empeso a vistirse….
El Rabino la miro kon sorpreza i le disho :
– Mi presyoza…. Ande te estas indo ? No esto aravyado kon ti !
***
KE SEYA EL MIJOR !
El hombre de unos 50 anyos entra en una joyeria akompanyado de una manseva blonda kon un puerpo de sirena….
– Buenos diyas ! Kijyera ke mos amostresh un ermozo kolar ….. No no no este… Un mas ermozo por favor…. No esta negro, ma uno mijor….. Senyor, mos puede amostrar el mijor ke tiene en la botika ? Ohhhhhh ! Este me plaze ! I tu kerida ? Te plaze este ?
– Komo no ?! Es para mi ?
– I por ken mas ?…. Todo para ti !
– Me enkanta mi amor….
– Alora lo tomamos !
– Me lo mete en un ermozo embalaje por favor !
– Si Senyor ! Vos kostara 51.300 Dollares Amerikanos.
– Dingun problem. Vos ago un cheque i lo puedrash resivir el Lunes.
Vendremos a tomar el kolar Lunes mizmo, dospues ke resivirash el montante del cheque.
– Munchas grasyas… Grasyas Senyor….
Al Lunes a la demanyana el duenyo de la Joyeria le telefona a muestro amigo :
– Senyor…. Mil ekskuzas por molestarvos… Es ke la Banka me disho ke no puede kovrir este cheque…..
– Si lo se… Me deskulpa…. No teniya otro remedyo para pasar un manyifiko fin de semana kon esta bella manseva…. Olvidavos de toda esta historia por favor… No es mas relevante ! Alora…. Puedesh arrazgar el cheque i meter el kolar ande era su lugar…..
Sorizasssssssssss
sharope.blanco@gmail.com